Ukraina Radasi prezident Petr Poroshenkoga murojaat etib, Rossiyaga qarshi urush eʼlon qilishni soʻragan
Ukraina prezidenti Petr Poroshenkoga Rossiyaga qarshi urush eʼlon qilish va u bilan barcha diplomatik aloqalarni uzish iltimosi bitilgan murojaat loyihasi koʻrib chiqish uchun ukraina parlamentiga kiritilgan.
Hujjat "Ukraina Oliy radasining Ukraina prezidentiga Rossiya Federatsiyasiga qarshi urush eʼlon qilish, diplomatik aloqalarni va transport qatnovini toʻxtatish toʻgʻrisidagi murojaat qarori loyihasi" deb nomlanadi.
Hujjat muallifi - fraktsiyadan tashqari deputat Vitaliy Kuprin.
Sal oldin Ukrainada Rossiya bilan 2019 yil 1 aprelidan doʻstlik va hamkorlik kelishuvini toʻxtatish haqida qonun qabul qilingan edi.
Moskva va Kiyev munosabatlari Donbassdagi vaziyat fonida yomonlashdi. Ukraina hukumati ilgariroq bir necha marotaba Rossiyani mamlakatning ichki ishlariga aralashayotganlikda ayblagan edi. 2015 yilning yanvar oyida Oliy rada qabul qilgan bayonotda Rossiya "agressor-mamlakat", deb ataladi.
Rossiya ukraina tomonning ayblovlarini rad etmoqda va nomaqbul deb atab kelmoqda. Moskva koʻp marotaba ukraina ichidagi mojarosi tarafdori emasligini va Kiyev siyosiy va iqtisodiy inqirozni yengib oʻtishi tarafdori ekanligini maʼlum qilgan. Bunga qaramay, Kiyev RF qarshi qator sanktsiyalarni kiritdi.
Oliy Rada deputati Yevgeniy Murayev munosabatlarning yomonlashuviga qaramasdan Rossiya Ukrainaning asosiy strategik savdo sherigi boʻlib qolayotganini aytmoqda; "nima deb gapirishlaridan qatʼi nazar" RF bilan tovar aylanmasi bir yil ichida 25%ga oshgan.
Read more: sputniknews-uz.com, фото-© Sputnik / Mixail Palinchak
