Google Android 12’нинг бета-версиясини тақдим этди

22 мая 2021 Google Android 12’нинг бета-версиясини тақдим этди

Android 12 смартфонларидан Android қурилмалар учун пульт сифатида фойдаланиш мумкин.

Google компанияси Android 12’нинг бета-версиясини тақдим этди.

Android 12’да процессорнинг серверга уланиш вақти 22 фоизга қисқарди, деди Google вице-президенти Самир Самат.

 Android’нинг янги версияси дизайни кўплаб янгиланишларга эга, дейилади Google корпоратив блогида.

Маълум қилинишича, белгилар ва хабарномалар безаги ўзгарган, анимация янада текислашган, тугмалар йирикроқ ва айланасимон кўринишга келган.

Эндиликда камера ва микрофондан фойдаланилганда, экраннинг ўнг қисмида яшил белги пайдо бўлади, овоз ва видеони тезкор созламалар орқали ўчириш мумкин.

Шунингдек, Android 12 смартфонларидан Android қурилмалар учун пульт сифатида фойдаланиш мумкинлиги маълум қилинди.

 Компания вакилларининг сўзларига кўра, Android 12 Beta 1 версияси Pixel 3, шунингдек, Xiaomi, Asus, Sharp, OnePlus, OPPO, Realme, Techno, TCL, Vivo ва ZTE смартфонларининг айрим моделлари учун чиқарилади.

 Android 12’нинг якуний версияси 2021 йил кузида чиқарилиши режалаштирилмоқда.