22 апреля 2021
Дем алыш күндөрү Бишкекте айыл чарба продукцияларынын жарманкеси өтөт. Бул тууралуу мэриядан билдиришти.
Эртең мененки саат 10:00дөн тарта ата мекендик өндүрүшчүлөр продукцияларын элге сунушташат.
Шаардыктар үч жерде уюштурулган жарманкеге бара алышат:
- Раззаков көчөсүнүн Токтогул жана Киев көчөлөрү менен кесилишкен бөлүгүндө;
- 12-кичи райондогу Нуркамал Жетикашкаева менен Аалы Токомбаев көчөлөрүнүн кесилишкен жеринде;
- Төрөкул Айтматов жана Токтогул көчөлөрүнүн кесилишинде.
Мэрия шаардыктарды санитардык нормаларды, аралыкты сактоо керектигин эске салды.
