23 марта 2021
Кыргызстандык Диана Зулпуева Казань шаарында өткөн "Нооруз сулуусу — 2021" сынагында байгелүү орунга татыды. Бул туурасында "Татар-информ" кабарлады.
Сулуулар жарышы Нооруздун урматына уюштурулуп, ага Кыргызстан, Татарстан, Өзбекстан, Тажикстан, Казакстан жана Башкыртстандан кыздар катышкан.
Калыстар тобу жеңүүчү деп казакстандык Карина Кабдуллинаны тандашты. Вице-мисс өзбекстандык Юлия Ким болсо, экинчи вице-сулуу наамы кыргызстандык Диана Зулпуевага ыйгарылды.
Татарстандык чүрөк Камилла Равилова эң эле уялчаак сулуу, тажикстандык Сабрина Борзова эң жагымдуу селки деп табылды. Күйөрмөндардын арзуусуна башкыртстандык Яна Анварова татыган.
