12 марта 2021
2020-жылы Кыргызстан сыртка малдын 1 284,1 тонна ичеги-карынын саткан. Бул тууралуу Улуттук статистика комитетинин сайтында жазылган. Жогорудагы азык баш-аягы дээрлик миллион долларга бааланган.
Мекеме "Жаныбарлардын ичеги-карыны" товардык номенклатурасы боюнча маалымат берди. Кыргызстандан ичеги-карын алган мамлекеттер:
- Гонконг (Кытайдын аймактык району) — 808,4 тонна;
- Вьетнам — 413,6;
- Түркия — 40,1;
- Мьянма — 22.
Ал эми 2019-жылы 250 тоннага аз сатылып, жалпы суммасы 984 миң долларды түзгөн. Өткөн жылы Гонконг ичеги-карын экспорттолгон мамлекеттердин катарында жок болчу.
