Америкалык фармацевт Сьюзи Коэн организмге D витамини жетишпей жатса кандай белгилер болорун айтып бергенин РИА Новости жазды.
"Бул витамин аз болсо жүрөктүн аритмиясы, апатия, көздөн жаш агуу, кан басымынын көтөрүлүшү, чарчоо, толуп кетүү, ичтин көбүшү, кургак кератоконьюнктивит, дененин оорушу, алсыздык, когнитивдик функциялардын төмөндөшү, аутоиммундук оорулардын күчөшү, нейропатия, көз оорусу, кыркырап дем алуу, аллергия байкалып, безетки чыгышы мүмкүн", — деген дарыгер.
Мындан тышкары, Коэн териге бир нерселердин кызарып чыгышын, кандагы канттын деңгээлинин жогорулашын, эректилдик дисфункцияны, заара чыгаруудагы көйгөйлөрдү, какачтоону жана адамдын маанайынын бузулушун Д витамининин жетишсиздигине байланыштырган.
Адис мындай симптомдор байкалгандарга дарыгерге кайрылууну сунуштаган. Ошондой эле D витамини көбүрөөк тамактарды, маселен, майлуу балыкты, жумуртканын сарысын, козу карынды, сүттү, апельсин ширесин колдонууга кеңеш берген.
