Күн сайын медитация кылуу өмүр сүрүү узактыгын арттыра алат.
Бир нече айдын ичинде жүргүзүлгөн изилдөөгө ылайык, жүзгө жакын ыктыярчы күнүмдүк медитациядан кийин ден соолугу жакшырганын айтышкан. Экспериментке 66 жаштан 81 жашка чейинки 202 адам катышкан. Абалдарынын өзгөргөнүн сезген катышуучулар күн сайын ыңгайлуу отурушуп, 15-20 мүнөт өз ойлоруна жана дем алуусуна көңүл бурушат.
Үч айдан кийин изилдөөнүн катышуучулары орточо кан басымы бир кыйла төмөндөгөнүн билдиришкен. Башка топто мындай таасир байкалган эмес.
Мындан тышкары, биринчи топтогу катышуучулардын жүрөк-кан тамыр ооруларынан өлүү коркунучу башка бейтаптарга караганда 30%га төмөн деп бааланды. Изилдөөнүн авторлору күнүмдүк медитация стрессти жана тынчсызданууну азайтып, өмүрдү узартат деп эсептешет.
Кантип медитация кылуу керек?
Негизги эрежелердин бири - омуртканы түз, көкүрөктү бош кармоо, бул абалда дем алууга эч нерсе тоскоолдук кылбайт. Денени мүмкүн болушунча бош кармаш керек. Терең дем алуу жана булчуңдардын эс алуусу ойлорду бошотот. Жаңы баштагандар сырткы дүйнөдөн дароо "ажырай" алышпайт. Эксперттер дем алууга көңүл буруу керек деп кеңеш беришет. Мындай экспериментти акырындык менен 2-3 мүнөттөн баштасаңыз болот.
