Буга чейин Владимир Путин Садыр Жапаровду жеңиши менен куттуктап, ал Кыргызстанды башкарып турган маалда орус-кыргыз алакасынын өнүгүшүнө кеңири шарт түзүлөрүнө ишеним артарын билдирген.
Садыр Жапаров Москвага сөзсүз иш сапары менен барат. Бул тууралуу РИА Новостиге ТИМ башчысы Руслан Казакбаев билдирди.
Ал президенттик шайлоонун алдын ала жыйынтыгында жеңүүчү болгон Садыр Жапаровдун сапары Россия тараптан көз каранды экенин жана азырынча расмий сунуштар болбогонун белгилеген.
"Албетте, Москвага барат. Так убактысын аныктай элекпиз, бул россиялык кесиптештерден көз каранды. Азырынча расмий сунуштар боло элек. Добуштар эсептелип жатат, БШК расмий жыйынтык чыгара элек", — деди Казакбаев.
ТИМ жетекчиси Россия Кыргызстандын стратегиялык өнөктөшү жана союздашы бойдон кала берерин белгилеген.
Буга чейин Россиянын лидери Владимир Путин президенттик шайлоодо Садыр Жапаровду жеңиши менен куттуктап, ал Кыргызстанды башкарып турган маалда орус-кыргыз алакасынын өнүгүшүнө кеңири шарт түзүлөрүнө ишеним артарын билдирген.
Ошондой эле Казакстандын президенти Касым-Жомарт Токаев Садыр Жапаров менен телефон аркылуу сүйлөшүп, өз өлкөсүнө келип кетүүгө чакырган.
