Бул – эркектердин басымдуу көпчүлүгүндө кездешкен учур...
Кээ бир аялдарга эркектердин томпоюп турган булчуң эти, сүйлөө манерасы же дагы башка кыймыл-аракети жагат эмеспи? Андай учурда аялзаты эмне сезерин ким билсин, бирок эркектер аялдын айрым бир кылыктарынан эле жүрөгүндө от тутанып, кучактагысы келгени көрүнөт.
Аялдын КАНДАЙ кылыктары эркекти ДҮҮЛҮКТҮРҮП жиберет?
Муну аялдын өзү да байкабашы мүмкүн. Азыр көңүл бурсаңыз же ошол көз ирмемдерди кайталасаңыз, ынанасыз.
Ар бир эркекти эстен тандырган аялдын бир кылыгы – аялдын кулак тушундагы чачын бармагына ороп олтуруп эркелөөсү.
Аялдын боёнуп жаткан учуру... (Байкап көрсөңүз болот, бир жакка чыгарда боёнуп олтурган учурда күйөөңүз келип “сүйкөнө берсе”, аны “арбап” жаткандай көрүнөсүз).
Аялдын көзүнө тамшана карап күзгү алдында турган кези – бул да эркектердин эсин кадимкидей “алып” коёт. Ошол учурда төшөккө тартып кетпейт деген кепилдик жок.
Аялдын бир нерсе менен алек болуп, бар көңүлү менен алектенип жаткан учуру да байкап жаткан эркектин делебесин козгойт.
Мээрим менен, боору орругандык менен жакындап келип күйөөсүн кучагына алган аял да эркекти дүүлүктүрүп жиберет. Эркектин баары эле мындай кучакта “ээрип” кетет.
Тамак даярдоо, китеп окуу же тигүү болобу, эркектерге баары бир. Аларды ээликтирген нерсе – аялдын эрдин тиштеп, кабагын бүркөгөн образы.
Узатып жатканда аялы бетинен чоп эткизе өөп алса да эркек үйдөн кеткиси келбей калат. Дал ушул учурда көптөгөн эркектердин кумары ойгонуп кетет.
Күйөөсүнө карап жылуу жылмайган аял да көп убакыт өтпөй төшөктөн чыгат. Адатта мындай жылмаю жемиштүү болот.
Эң кызыгы, күйөөсүнө буюм же кийим сатып алган аялдар да ошол түнү төшөк кумарына батат. Айрыкча, ич кийим сатып алган аялдардын ошол күнкү түнү “от болуп” өтөт.
Корккон кезде күйөөсүнүн колтугуна жашына кеткен, өзүнүн коркконун ачык көрсөткөн аялдарга да эркектердин көңүлү дароо оойт. “Кучагыма дагы жашына калса экен” деп тилеп жибергенин да өзү байкабай калат.
Аял ачууланганда да сулуу болуп кетет. Айрыкчы, көзүнөн учкун ойноп, чын ачууланган учуру күйөөсүнүн кумарын арттыра түшөт. Ошол үчүн да атайын ачууландырышы мүмкүн.
Аялдын бейкапар уктап жаткан учуру... Ушул учурда эркектер ойдо жок жерден аялына “кол салып жиберет” го. Себеби, пышылдап уктап жаткан аялын шыбырап азгырбаган эркек жок болсо керек.
