9 декабря 2020
Жогорку Кеңеш Кыргызстандын башкаруу формасын аныктоо боюнча референдум өткөрүү тууралуу мыйзам долбоорун биринчи окууда жактырды.
Вице-спикер Мирлан Бакиров маселе добушка коюлуп, өткөнүн айтты. Бирок канча депутат колдогону белгисиз. Себеби электрондук эсептөөнү көрсөткөн залдагы мониторлор иштебей калган. Мыйзам долбоору 3-декабрда каралган.
Белгилей кетсек, референдумду президенттик шайлоо менен катар 10-январда өткөрүү сунушталып жатат. Референдумда кыргызстандыктар президенттик же парламенттик башкаруу системасын тандашы керек болот.
