27 ноября 2020
Биринчи май райондук соту Кой-Таш окуялары боюнча ишти карай баштады. Бул тууралуу мурдагы президент Алмазбек Атамбаевдин кеңешчиси Кундуз Жолдубаева билдирди.
Сотко Алмазбек Атамбаев, президенттин аппаратынын мурдагы башчысы Фарид Ниязов жана УКМКнын 9-кызматынын мурдагы кызматкери Канат Сагымбаев алып келинген.
Эске салсак, буга чейин Бишкек шаарынын Биринчи май райондук сотунун судьясы Азирет Медеров мурдагы президент Алмазбек Атамбаев фигурант болгон үч кылмыш ишин бириктирип, сотко чейинки бир өндүрүш катары кароону чечкен. Анда Кой-Таш окуясы, Кой-Таш айылындагы жерлер боюнча коррупциялык иштер жана мыйзамсыз кирешелерди адалдаштыруу иштери бириктирилген.
