Джо Байден – америкалык саясаттын элүү жылдан берки көрүнүктүү өкүлдөрүнүн бири. Анын карьерасы 1969-жылы Ньюкасл шаардык кеңешинде башталган. Ал эми быйыл, 77 жаш курагында, ал Кошмо Штаттардын президенттигине ат салышууда.
Мурдагы вице-президент Джо Байден АКШдагы президенттик шайлоонун алдын ала жыйынтыгы боюнча 264 добуш менен алдыда.
Трамп же Байден. АКШдагы президенттик шайлоонун алдын ала жыйынтыгы
Sputnik редакциясы Демократиялык партиядан талапкер, балким тагдыр буйруп АКШнын 46-президенти болуп калгысы бар Джо Байдендин өмүр чыйырына бир көз чаптырды.
1. Америкага XIX кылымда эле жер которгон ирландиялык католиктердин тукумунан. Чоң атасы American Oil мунай компаниясынын бөлүмдөрүнүн бирин жетектеген. Байдендин атасына жакшы эле өлчөмдө мурас калган, бирок Джо төрөлгөн маалда бир-эки ирет байлыгынан кол жууп кала жаздаган.
2. Бала кезинде кекечтиги бар эле. Мындан арылууга тынбай аракет кылып, сүйлөчү сөзүн алдын ала кайталап, сабакта окуп берчү тексттерге даярданып алчу. Акыры ошол кемчилигин жеңген.
Новоизбранный сенатор-демократ от Делавэра Джо Байден
3. 30 жашында Жозеф Байден сенаторлукка шайланып, АКШнын тарыхындагы бешинчи эң жаш мыйзам чыгаруучу болгон. Андан кийин сенатка беш жолу шайланып, 36 жыл бою сенаторлукту аркалаган (1972-жылдан 2009-жылдын январына дейре).
4. Шайлоодо утуп чыккандан кийин бир ай өтүп-өтпөй, сенатордун үй-бүлөсүндө жамандык болот. Биринчи жубайы Нелия жана 13 айлык кызы жол кырсыгынан каза табат. Оор жаракат алган уулдары ооруканага жаткырылат. Джо Байден уулдары Бо жана Хантер жаткан ооруканада ант берген.
5. Жубайынан ажырагандан үч жылдан кийин Байден алдын ала көрбөстөн эле кезигүүгө барып, англис тили мугалими Жилл менен таанышат. Экинчи жубайы экөөнүн Эшли аттуу кызы бар.
6. 1974-жылы эле Time белдүү журналы аны “болочоктун тарыхын жаза турган 200 өкүлүнүн катарына” кошкон.
7. 46 жашында Байдендин башындагы эки тамырдын аневризмасын аныкташкан. Саясатчыны оор абалда ооруканага жеткиришип, тезинен операция жасалат. Жарым жылда саламаттыгын чыңдайт, натыйжада сенаттагы ишине кайтат.
8. Байден президенттик тактыны ээлөөгө үчүнчү ирет тырышып турат. Биринчи жолу 1987-жылы аттанган. Ошондо ал кыйла күчтүү талапкер эле, бирок аны британиялык лейбористтердин ал кездеги лидери Нил Кинноктун сөзүн уурдап алган деп айыптап чыгышкан. Дал ушул окуя анын шайлоо кампаниясын үзгүлтүккө учураткан. Экинчи ирет 2007-жылы күчүн сынаган. Бирок Айова штатынан бир пайыздан аз добуш алганда талапкерлигин алып койгон.
9. Дүйнөлүк Forbes журналынын аналитиктеринин эсебине ылайык, былтыр Байдендин байлыгы 9 миллион долларга бааланган.
10. Экинчи мөөнөткө аттанган азыркы президент Дональд Трамп Байдендин талапкерлиги көрсөтүлүшүн кескин сынга алган. “Президенттин ишин аткара албайт” деп билдирип, аны “уйкусураган Джо” деп атаган. Байден да тим калбай, Ак үйдүн азыркы башчысын “жемкорлукка малынган”, бай гана америкалыктарды колдойт деп кине койгон.
