Президенттин администрациясы: Жээнбеков кызматын тапшырууну пландаган жок

9 октября 2020 Президенттин администрациясы: Жээнбеков кызматын тапшырууну пландаган жок

Өлкө башчы Сооронбай Жээнбеков кызматтан кетүүнү пландаган жок. Бул тууралуу РИА Новости мамлекет башчынын маалымат катчысы Толгонай Стамалиевага таянып кабарлады.

Буга чейин Стамалиева Сооронбай Жээнбеков импичмент маселесин Жогорку Кеңештин төрагасы Мыктыбек Абдылдаев менен талкуулаганын айткан.

Ошондой эле ал өлкө башчы Сооронбай Жээнбеков премьер-министр Кубатбек Бороновдун отставкасын кабыл ала электигин да белгилеген.

Анткен менен бүгүн, 8-октябрда, премьер-министрликке талапкер Садыр Жапаров президент Сооронбай Жээнбеков арызын жазып, тынч эле кетип калайын деп айттырып жибергенин билдирген.

sputnik