6 октября 2020
Жогорку Кеңештин депутаттарынын кезексиз жыйынына кворум жок болуп жаткандыктан, ал болбой калышы ыктымал. Бул тууралуу парламенттин маалымат катчысы Ибраим Нуракун уулу кабарлады.
"Достук" мейманканасындагы кезексиз жыйын болбой калышы мүмкүн. Анткени он чакты гана депутат келди", — деди Нуракун уулу.
Эске салсак, бүгүн саат 16.00дө Жогорку Кеңештин депутаттары кезексиз жыйынга чогулмак.
Буга чейин Координациялык кеңеш Жогорку Кеңеш чогулуп элдик ишеним өкмөтүн дайындоосу керек экенин айткан.
