11 сентября 2020
Сиздин кандай экениңизди айтып берүүгө бир сүрөт менен бир мүнөт жетиштүү. Сүрөттү 1-3 секунд караңыз. Эми суроого жооп бериңиз: бала үйдүн ичинде отурабы, же сыртындабы?
ҮЙ ИЧИНДЕ отурат дегендер – эмоциясын да, таарынычын да, сырын жана кайгысын да ичинде сактай турган адамдар.
- Уруш-талаштан өзүн ыраак кармаганга аракет кылышат.
- Кимдир бирөө аны менен талаша турган болсо, актанып, далилдеп аракет кылбайт.
- Башканыкы туура эмес болсо да, ага макыл болуп, талашты токтотууга аракет кылат.
- Мүнөзү татаал. Бөлөктөргө сабырлуу адам көрүнөт.
- Тынчтыкты биринчи орунга коёт, ошон үчүн эч ким менен талашып, тартышпайт.
- Башкалардын тынчтыгын бузбайт жана өзүнүкүн да бузууга жол бербейт.
- Көпчүлүктү сүйбөйт, жалгыздыкты жактырат.
- Кээде “мени эч ким түшүнбөйт” деп ичтен капа болот. Анткени, кайгысын да, кубанычын да бөлүшпөйт.
- Өзүнүн акылына, күчүнө ишенет.
- Айтар сөзүн, кылган ишин ойлонуп жасагандыктан, көп ката кетирбейт.
Башкысы, буларды үй-бүлөсү, жакындары ар дайым баалайт, зарыл кезде жардам берет деп ишенет. Бирок, мындай адамдар ичиндеги кайгы-муңун жакындарына айтып үйрөнсө, жашоосу кыйла жеңил болот.
ҮЙ СЫРТЫНДА дегендер – өзүнүн пикири менен эмоциясын дароо билдире тургандар. Ичине эч нерсе сактабайт.
- Чындыкты айтканды жактырышат, ошон үчүн булардын достору да, душмандары да көп.
- Көңүлүн калтырган адамдан бат эле кол үзүп, жаңы тааныш күтүүдөн коркпойт.
- Көптүн көңүл чордонунда болгонду жактырат.
- Мактоо менен сыйды жакшы көрөт.
- “Эл эмне дейт?” деп башын оорутпайт, элдин ою менен эсептешпейт.
- Башкалардын кеңешине муктаж эмес.
- Биринчи жасап, андан кийин ойлонот, ошондуктан көп ката кетирет.
- Эки жүздүүлөрдү жек көрөт.
- Өз оюн ачык айтып, баары менен тил табыша алгандыктан, жумушта тез көтөрүлөт.
- Мугалимдик кесипти тандаса, ийгиликке жетет.
Бардык нерсенин өзүнүн чеги бар. Ичтегинин баарын сыртка чыгарууга да, ичте сактоого да болбойт экенин унутпаңыз.
