Буга чейин балдардын энеси милицияга арыз жазып, алар 17-августта үйүнөн чыгып кеткен бойдон дайынсыз экенин айткан.
Жалал-Абад облусунун Сузак районунда дайынсыз болуп жаткан үч бир тууган тилемчилик кылып жүргөн жеринен табылды. Бул туурасында облустук милициядан кабарлашты.
Маалыматка ылайык, Сузакта милиция, жергиликтүү бийлик органдары жана балдарды коргоо бөлүмү жашы жете электер арасында кылмыштуулуктун алдын алуу жана селсаяктык, тилемчилик менен алектенишин болтурбоо максатында "Тилемчи" аталышындагы рейд өткөрүлгөн.
Апама дары алам. Ошто кайырчылык кылган балага милиционерлер жардам беришти.
"Иш-чаранын жүрүшүндө Сузак районунун 33 жаштагы Н.М. аттуу тургунунун жашы жете элек үч баласы тилемчилик кылып жүргөн жеринен табылды. Балдардын энеси милиция арыз жазып, алар 17-августа үйүнөн чыгып кеткен бойдон дайынсыз экенин айткан. Ошону менен катар бул үй-бүлөнүн абалы боюнча райондук социалдык жактан коргоо мекемесине балдарына жардам алуу боюнча сунуш жөнөтүлдү", — деп айтылат маалыматта.
Сузак райондук милициясы бул багытта түшүндүрүү иштери дагы да болсо үзгүлтүксүз жүргүзүп жатканын кошумчалады.
