Макалада эгер адам тамакты дайыма ысуулай жей берсе, ашказаны ошол стресске көнүп сезгичтигин жоготот да, азыктын ысык-суугун жакшы айырмалай албай калат деп айтылат.
Адамдын организми ысык тамакка көнгөн эмес, бирок убакыттын өтүшү менен адаптация болушу мүмкүн. Ошентсе да тамактын ысыгы зыян экендигин гастроэнтеролог Сергей Вялов айтып берген.
Анын билдиришинче, идеалдуу деп үй температурасындагы азыкты атаса болот. Адатта тамакты ысык ичкен пайдалуу деген сөз кулагыбызга сиңип калган. Бирок андай эмес, ысык менен жылуунун айырмасын билиш керек. Тамакты казандан чыгарары менен жеген учурда ал ашказан жарасына чейин алып барышы мүмкүн. Кичине суутуп ичсе даамына келип, сиңимдүү, пайдалуу дагы болмокчу.
"Эгер адам ысык тамакты дайыма жей берсе, ашказаны ошол стресске көнүп сезгичтигин жоготот да, азыктын ысык-суугун жакшы айырмалай албай калат. Убакыттын өтүшү менен тамак барган орган ооруксунуп гастритке, андан ары жарага алып барышы мүмкүн", — деген дарыгер.
Ал кошумчалагандай, көпчүлүк азыкты бир аз даамдап көрүп эле жеп баштайт. Бирок ашказандын былжыр чели ооз көңдөйүнө караганда алда канча жука болорун эске алуу керек. Себеби ооздо ысыгыраак болгон тамак ичти күйгүзүп кеткендей эле болот.
