18 марта 2020
Буга чейин коронавирус жуктургандар менен бир учакта келген 90 киши изоляцияга алынып, дагы 45и изделип жатканы айтылган эле.
Коронавирус жуктуруп алганы аныкталган үч кыргызстандык 12-март күнү саат 20.57де "Манас" эл аралык аэропортуна конушкан. Бул тууралуу Коронавирусту алдын алуу боюнча ыкчам штабдан кабарлашты.
Эске салсак, Кыргызстанда коронавирус жуктуруп алган үч адам аныкталды. Алар 12-мартта Сауд Аравиядан кичи ажылыктан келишкен. Азыр алар Жалал-Абад облустук ооруканасынын жугуштуу илдеттер бөлүмүнө жаткырылды.
"Коронавирус табылган үч жаран "Эйр Арабия" компаниясы аткарган чартердик каттам менен 12-мартта "Манас" аэропортуна учуп келишкен. Бортто 135 жүргүнчү болгон", — деп айтылат билдирүүдө.
