Билдирүү күтүүсүз жана күлкүлүү болушу мүмкүн. Бирок аны олуттуу түрдө БУУнун алдындагы Эмдөөлөрдүн эл аралык институтунун илим жаатындагы жетекчисинин орун басары Михаил Фаворов жасады.
Белгилүү дарыгер Өзбекстандын Ташкент шаарында лекция окуп, андан кийин маалымат жыйын өткөргөн. Фаворов анда "монгол-түрк үч бурчтугуна", тагырааагы, коронавирус учурабаган Борбордук Азияга көңүл бурган.
"Биз ар кайсы вариантты талкууладык. Ага абанын кургактыгы менен бөтөнчө климат дагы кирет. Баса, Ибн Сина (Авицена, орто кылымдагы перс дарыгери — ред.) инфекциялык ооруну алдын алуу үчүн адырашман чөп тууралуу айтканы бар. Албетте, бул күлкү келтириши мүмкүн. Бирок убакыт көрсөтүп жатат. Бизде ооруга кабылгандар жок, вирус келбей турганына да ишенем", — деген Фаворов.
Адырашман чөптү чыгыш эли илгертеден бери колдонуп, үй-жайдын ичин тазалоо үчүн түтөтүшкөн. Учурда элдик медицинада пайдалангандар бар.
