Индиянын Махараштра штатынын жашоочусунун бири амалкөйлүк кылып, жолборстун курч тырмактарынан аман-эсен кутулуп кетти.
Окуя мындан бир нече күн мурда, 25-январда, болгон. Бул туурасында Daily Mail жазды.
Эл жашаган аймакка кирип келген жырткыч аны кууганга аракет кылгандарга кол салган. Тагыраагы, ызы-чуу түшүп, кыйкырып жаткан кишилерден качып бара жатып, бутактуу жерден бир адамды кууп жөнөгөн.
Жолборс баса калганда кишинин кыймылсыз, сулк жатып калганы видеого түшүп калган.
Жырткыч бир нече ирмемдерден кийин тура жөнөп, андан соң арышын кенен салып, качып жок болгон. Ал эми аз жерден зыян тартып кала жаздаган адам бир нече мезгилге чейин кыймылдаган эмес.
Окуя Пенч деп аталган жаратылыш паркында, жолборстор кармалып турган жердин жанында болгон. Анткен менен ал үч кишини жарадар кылганга үлгүргөн.
Маалыматта андан бир аз убакыт мурда Махараштранын башка районунда дагы бир жолборстун 42 жаштагы кишини талап салганы айтылат.
Жергиликтүү кызматтардын кылган далалатына карабай, жырткыч качып кеткенге үлгүргөн. Тургундар жолборс элге кол салар алдында сегиз күн бою айылдын тегерегинде каңгып жүргөнүн айтып беришкен. Бул күндөрү тиешелүү кызматтар эмнеге алдын ала чара көрбөгөнү белгисиз.
