Роналду баракчасына катталгандардын саны боюнча америкалык белгилүү ырчы, актёрлорду артта калтырды. Спортчу соцтармакты активдүү колдонуп келет.
Португалиялык футболчу Криштиану Роналду Instagram тармагында 200 миллион катталуучу топтогон биринчи адам болду. Бул тууралуу Sports.ru жазды.
Италиялык "Ювентус" клубунун 33 жаштагы чабуулчусу бул рейтинг боюнча америкалык ырчы Ариана Гранде (173 миллион катталуучу) менен актёр Дуэйн Жонсонду (170 миллион катталуучу) артта калтырды.
Салыштыруу үчүн айта турган болсок, Роналдунун атаандашы, "Барселонанын" капитаны Лионель Мессинин Instagram баракчасында 141 миллион катталуучу бар.
Роналду фотосервиске машыгуу, эс алуу учурундагы сүрөт-видеолорун, жарнамалык постторду жайгаштырып, үй-бүлөсүнүн сүрөттөрү менен дагы бөлүшүп турат.
