Бул ирет Ички иштер министрлигинде коррупциянын жоктугуна ишенгендер бир аз көбөйүп, орган жети сапка жогорулаган.
Улуттук статистика комитети 2019-жылдын экинчи жарым жылдыгына карата элдин мамлекеттик жана жергиликтүү өз алдынча башкаруу органдарына болгон ишеним индексин жарыялады.
Кыргызстандыктардын пикири боюнча, эң коррупциялашкан органдар төмөнкүлөр:
- Мамлекеттик бажы кызматы;
- Саламаттыкты сактоо министрлиги;
- Жаза аткаруу мамлекеттик кызматы;
- Жергиликтүү өз алдынча башкаруу органдары — Бишкек, Ош шаарларынын мэриялары;
- Архитектура, курулуш жана турак жай-коммуналдык чарба мамлекеттик агенттиги;
- Экономикалык кылмыштуулук менен күрөшүү боюнча мамлекеттик кызмат (Финансы полициясы);
- Мамлекеттик мүлктү башкаруу фонду;
- Мамлекеттик салык кызматы;
- Экономика министрлиги;
- Финансы министрлиги.
Жарым жыл мурдагы рейтингде дагы Бажы кызматы жемкордукка белчесинен баткан деп табылган. Ошол эле учурда Ички иштер министрлигиндеги коррупциянын жоктугуна ишенгендер бир аз көбөйүп, орган 4-орундан 11-сапка жогорулаган.
Ал эми төмөнкү 10 органга коррупциялык иштерге барбайт деп көбүрөөк ишенишкен:
- Жергиликтүү мамлекеттик администрация;
- Өкмөттүн облустардагы ыйгарым укуктуу өкүлдөрүнүн аппараты;
- Өзгөчө кырдаалдар министрлиги;
- Жергиликтүү өз алдынча башкаруу жана этностор аралык мамилелер боюнча мамлекеттик агенттиги;
- Монополияга каршы жөнгө салуу мамлекеттик агенттиги;
- Жаштар иши, дене тарбия жана спорт мамлекеттик агенттиги;
- Маалыматтык технологиялар жана байланыш мамлекеттик комитети;
- Милдеттүү медициналык камсыздоо фонду;
- Маданият, маалымат жана туризм министрлиги;
- Социалдык фонд.
