Кылмышка шектүүлөрдү кармоо учурунда жанынан пневматикалык тапанча ок-дарылары менен табылган.
Борбор калаадагы дүкөндү карактоого шектелип үч улан менен бир кыз кармалды. Бул туурасында Бишкек ШИИБден билдиришти.
Маалыматка ылайык, 2-ноябрда шаар тургуну милицияга кайрылып, 5-кичи райондогу дүкөнү каракталганын айткан. Анын ичинен төлөм терминалын талкалап 60 миң сом, ошондой эле 70 миң сомдук тамеки жана спирт ичимдиктерин уурдалганын айткан.
Аталган факты боюнча Жазык кодексинин 200-беренеси (Уурдоо) менен сотко чейин тергөө башталды.
Шектүүлөрдү кармоо учурунда жанынан пневматикалык тапанча ок-дарылары менен табылган. Төртөө тең тергөө абагына киргизилди.
Бишкек милициясы ушул адамдардан жабыркагандар болсо төмөнкү телефондор аркылуу кайрылууну өтүнөт: (0700) 10-27-07, (0553) 10-21-91 жана 102.
