4 ноября 2019
Өзбекстан басылмалары Самаркандда жергиликтүү жашоочу тогуз жаштагы жээнин эки сапар зордуктаганын жазышты. Ал кызды бычак жана балта менен коркуткан.
Зордуктоо биринчи жолу 2019-жылы 1-февралда болгон. Мас киши кызды алдап үйүнө алып барып, бычак такап, арам оюн ишке ашырган. Бир жарым айдан кийин ал жашы жете элек өспүрүмдү балта менен коркутуп, зордуктап койгон.
Айыпталуучуга кылмыш иши козголуп, Самарканд облустук соту аны “Зордуктоо” беренеси боюнча күнөөлүү деп тапты. Ал 16 жылга кесилди. Мындан тышкары соттолуучу күч менен аракечтикке каршы дарылоодон өтөт.
