27 августа 2019
Чыгыш-5 кичи районуна парк куруу пландалууда.
Жерди пайдалануу жана курулуш башкармалыгы борбор калааны мыйзамсыз курулуштардан арылтуу ишин улантууда. Бул тууралуу Бишкек мэриядан билдиришти.
Маалыматка караганда, Чыгыш-5 кичи районуна парк куруу максатында андагы киоск ээсинин макулдугу менен алынган.
Мындан башка дагы курулуштар түрттүрүлгөн:
- Фурманов менен Славян көчөлөрүнүн кесилишиндеги эки кабаттуу дүкөн менен сулуулук салону;
- Медеров менен Тыныстанов көчөлөрүнүн кесилишиндеги контейнер;
- Юнусалиев, 56/2 дарегиндеги павильон;
- Бейшеналиева, 15/1 дарегиндеги 4 павильон, 2 бастырма (ээлери өз ыктыяры менен алып салган);
- Месароша көчөсүндөгү 40 тонналык контейнер (ээси өз ыктыяры менен алган).
