13 августа 2019
Учурда жеринде милиция кызматкерлери иштеп жатат.
Токмокто эки тепловоз кагышып кетти. Бул тууралуу ИИМдин маалымат кызматынан кабарлашты.
Окуя 12-август күнү, саат 22.30дар чамасында болгон.
“Тепловоз айнек заводдон чыгып келе жатып токтоп турган поездди кагып кеткен. Жүрүп бараткан локомотив рельстен чыгып, оодарылган”, - дешти ИИМден.
Жеринде милиция кызматкерлери менен “Кыргызтемиржолу” ишканасынын кызматкерлери иштеп жатат.
“Кыргызтемиржолунун” жетекчисинин орун басары Руслан Кадыркулов кырсык болгонун ырастап, поездди койгон тепловоз айнек заводуна тийиштүү экенин айтты.
