Шарият боюнча даараткана тартибин сактап жүрөсүзбү?
Дүйнө жүзү боюнча элдер 19-ноябрда даараткана күнүн белгилешет. Анын ичинде маанилүүсү – даараткана тартибин сактоо. Ал эми ал адепти сактоодо шариятта өз эрежелери бар.
Бул эреже боюнча дааратканага киргенде жана чыкканда эмнени унутуп калып жатабыз? Аны төмөндөн окуп биле аласыз.
- Адам элдин көзүнөн далдоо жерде заара кылыш керек. Бул үчүн азыр дааратканалар бар.
- Тамактан кийин ажаканага кирбей туруп, кол жууган зарыл. Бул аркылуу сырттан колубузга жуккан ар кандай микробдордун башка жерлерге таралышынын алдын алабыз.
- Дааратканага киргенде баш кийим жана бутка атайын бут кийим кийип кирүү керек. Бул айрыкча дааратканасы үйдүн ичинде жайгашкан адамдарга тиешелүү.
- Дааратканага Алланын жана Пайгамбардын (с.а.в.) ысымдарын же Куран аяттарын ала кирүүгө болбойт.
- Дааратканага сол бут менен кирүү туура. Абу Хурайрадан жеткен баянда: “Кимде-ким дааратканага сол буту эмес, оң буту менен кирсе, жакырчылыкка туш болот”, - деп айтылган.
- Зарыл болбосо, дааратканада сүйлөбөш керек.
- Заара кылган кезде денеге, кийимге анын чачырабашына көңүл буруңуз.
- Жуунучу жерлерге заара кылбаш керек.
