Социалдык тармакта чектөө жок. Жашы кичинекей баладан тарта улгайгандарга чейин соцтармакты пайдалана алышат. Учурда социалдык тармак бардык муун арасында кеңири белгилүү. Ошентсе да, жаш өспүрүмдөр ата-энеси менен соцтармакта дос болууну колдой беришпейт. Анткени, балдардын ою боюнча ата-энелер байкабай соцтармакта ката кетирет.
«Three» британ компаниясы социалдык тармактагы ата-эне менен баланын мамилесине изилдөө жүргүзөт. Алардын ичинде 70% өспүрүм эч качан ата-энем менен социалдык тармакта достошпойт элем деген пикирин билдирсе, 30 пайызы ата-энесин досторунун катарынан өчүрүп салган.
Эмнеге?
Биринчиден, бул балага ата-эне аны өз көзөмөлүнө алып жатат деген ой калыптандырат. Алар өздөрүн жасалма алып жүрө башташат.
Экинчиден, ата-эненин соцтармактагы активдүүлүгү балага ыңгайсыздык жаратат. Анткени, ата-эненин баары жаштар маданиятын түшүнө беришпейт, алардын сүйлөшүү стили, аз ара түшүнгөн тамашалары чоңдор үчүн табышмак.
Социалдык тармакта ата-энелер кетирген каталардын рейтинги:
1. Балдардын 24%ы ата-энесинин үй-бүлөлүк сүрөттөрдү салганын жактырышпайт.
2. 21%ы ата-энесинин “кызыктай” сүрөттөрдү салганын жек көрүшөт.
3. Өспүрүмдөрдүн 10%ы үчүн төмөндөгү учурдар ыңгайсыздык жаратат: Жаштардын сленгин ата-эне орунсуз колдонот; алардын баракчасында ата-энеси калтырган түшүнүксүз пикирлер көп болот.
4. 9%ын энеси же атасы жазган пикирлер уялтат.
5. 4% өспүрүмдөр үчүн төмөнкү учурлар эң жагымсыз: алардын сүрөттөрүнө жазылган пикирлер; алардын досторунун сүрөттөрүнө пикир калтыруу; алардын достору менен кат алмашуу. Эгер социалдык тармакка катталып, балаңыздын баракчасына көзүңүз чалып калса, анын интернет мейкиндигинде өзүнүн жеке жашоосу бар экенин эстен чыгарбаңыз.
