Эки уюм талапкерлер тууралуу сурамжылоо жүргүзүү укугун алган.
Казакстандагы президенттик шайлоодо Касым-Жоомарт Токаев жалпы шайлоочулардын 70,13 пайызынын добушун алып, жеңүүчү болду. Бул туурасында "Коомдук пикир" институту" жүргүзгөн exit-poll жыйынтыгында айтылганын Sputnik Казакстан жазды.
Сурамжылоо 325 тилкени камтыган: Нур-Султан, Алматы жана Шымкенттеги 97 облус борборлору, 94 чакан шаар, 134 айыл округдарынан 13 200 респондент камтылган. Анын жаңылыштыгы 3 пайыздан ашпай тураганы айтылды.
Респонденттерден кайсы талапкерге добуш бергени сурашкан.
"Коомдук пикир" институтунун сурамжылоо жыйынтыгы:
Токаев Касым-Жомарт Кемелевич — 70,13 пайыз;
Косанов Амиржан Сагидрахманович — 15,39 пайыз;
Еспаева Дания Мадиевна — 5,32 пайыз;
Ахметбеков Жамбыл Аужанович — 3,86 пайыз;
Таспихов Амангелди Сатыбалдиевич — 1,41 пайыз;
Рахимбеков Толеутай Сатаевич — 3,03 пайыз;
Тугел Садыбек — 0,86 пайыз.
Exit Poll ким тарабынан жүргүзүлөт?
2019-жылы Казакстан президентинин талапкерлери туурасында сурамжылоо укугун эки уюм алган. Алар "Қоғамдық пікір" институты" жана "Жаштар" борборунун илим-изилдөө институту эле.
"Жаштардын" маалыматына караганда Токаев 69,94 пайыз добуш алган. Анын артынан 14,96 пайыз менен Амиржан Косанов, кийинки болуп бирден-бир аял талапкер Дания Еспаева (3,6 пайыз) келе жаткан.
Казакстандагы президенттик шайлоо ошентип, 9-июнда өттү. Ага шайлоочулардын 77,4 пайызы катышканы айтылды. Казакстандын борбордук шайлоо комиссиясы добуштарды бюллетень таштоо соңуна чыккандан 12 сааттан кем эмес мезгилде санап бүтөт. Алдын ала жыйынтык 2019-жылдын 10-11-июнунда чыкмакчы.
Эске салсак, Казакстандын биринчи президенти Нурсултан Назарбаев ушул тында ээлеген кызматынан кетип, мамлекетти башкаруу укугу парламент сенатынын төрагасы Касым-Жомарт Токаевге өткөрүлгөн.
Көп өтпөй Токаев шайлоо мөөнөтүнөн мурда болорун айтып, 9-июнга белгилеген.
Анткен менен бүгүн Казакстандын аймагында президенттик шайлоодон сырткары дагы башка саясий окуялар болду. Тагыраагы, Нур-Султан жана Алматы шаарларында бир топ адамдар нааразылык акцияларына чыккан. Бийлик мыйзамсыз деп аталган митингден бир нече кишилерди кармаган.
