21 мая 2019
Маркум өмүрүнүн акыркы мүнөттөрүндө тармакка граната менен селфи жасаган сүрөттөрүн салып үлгүргөн, деп кабарлайт Интерфакс басылмасы.
РФ Краснодар аймагынын Лабинск шаарында гранатанын жарылуусунан улам жергиликтүү жашоочу каза болду. Аймактын ыкчам кызматкерлери эркек адамдын өлгөнгө чейин тармакка граната менен бирге селфи жасаган сүрөттөрүн салып үлгүргөнүн айтышат. Сүрөттөрдүн биринен жигиттин граната мурундугун жулганы турганын көрүүгө болот.
“Жигит граната мурундугун ордуна коё албай калган сыяктуу. Жарылуу натыйжасында анын денеси толугу менен жок болгон”, -деп жазат агенттик.
