20 мая 2019
Мичиган университетинин окумуштуулары көпчүлүк жубайлардын эмне себептен ажырашаарын аныкташты.
Окумуштуулардын айтымында, жубайлар “ортодогу кысымдын” деңгээли ар кандай болгондуктан айрылышат. Башкача айтканда, аялдын үй-бүлөлүк жашоодон тез көңүлү калат. Ал эми эркек киши муну байкабай, өзүн бактылуу сезип жүрө бериши мүмкүн.
16 жыл бою 355 түгөйгө байкоо жүргүзүшкөн адистер үй-бүлөлүк жашоонун алгачкы жылдарында мырзалар үчүн аялы жана үй-бүлөсүнүн ички абалы эч кемчиликсиз болуп көрүнөөрүн аныкташкан. Ал эми кыздар үй-бүлөлүк жашоонун кандай болорун алдын ала билишет экен. Мындан тышкары, көбүнчүлүк аялзаты ажырашууга сунуш жасай турганы аныкталды.
