Орусиялык гимнаст, кең чөйрөдө да, тар чөйрөдө да жашыруун түрдө орус лидери В.Путиндин мыйзамдуу аялы катары айтылып келген Алина Кабаеванын эгиз төрөгөндүгүн орус басылмалары жарыялап чыгышты.
“СтарХит” басылмасынын маалыматына таянсак, Кабаева 7-майда Москвадагы Кулаков атындагы акушердик жана гинекологиялык борбордо төрөгөн.
Кабаеванын өкүлдөрү азырынча бул тууралуу маалымат бере элек. Анын жардамчыларынын бири: “биз ушактарга маалымат бербейбиз” - деп кыскача гана жооп берип койгон.
Спортчу төрөткананын 4-кабатындагы вип-палатада жан сакчылардын кайтаруусунда жаткан. Алар Кабаевага сырткары адамдарды киргизишпей, төрөгөн башка аялдарды башка бөлүмгө которушкан. Ага кымбат ресторандан тамак алып келип турушкан. Аны борбордун эң мыкты дарыгерлери төрөтүшкөн.
Бирок, наристелердин бойлору, салмагы, ысымдары ким коюлгандыгы тууралуу азырынча эч кандай маалымат жок.
Булак: Назарньюс
