13 мая 2019
Эмгек жана социалдык өнүктүрүү министрлиги азырынча өкмөттүн токтомуна өзгөртүү киргизилбей турганын айтты.
Өкмөттүн токтомуна ылайык, кыргызстандыктар эми ноябрь айында төрт күн катары менен эс алышат.
7, 8, 9 жана 10-ноябрь эс алуу күнү болот. 7-8-ноябрда Тарых жана ата-бабаларды эскерүү күнү болсо, 9-10-ноябрь ишемби жана жекшемби күндөргө туура келет.
Андан сырткары, өкмөттүн эс алуу күндөрүн жылдыруу боюнча өкмөттүн токтомуна өзгөртүүлөр киргизилиши ыктымал. Анткени 31-август - Эгемендик күнү ишемби күнгө туура келсе, 1-сентябрь - Билим күнү жекшембиге туш болот.
Ал ортодо Эмгек жана социалдык өнүктүрүү министрлигинин маалымат кызматы өкмөттүн токтомуна өзгөртүү киргизүү тууралуу сөз боло электигин билдирди.
