13 мая 2019
12-майда Тель-Авивде эл аралык "Евровидение-2019" ыр сынагы башталды. 41 өлкөнүн ырчылары менен коноктору Габима театрынын алдындагы аянтагы “кызгылт-сары килемден” өтүштү. Бул тууралуу ТАСС маалымады.
"Евровидение-2019" сынагынын жарым финалы Тель-Авивдин Көргөзмө борборунда 14-16-майда, финал ошол эле жерде 18-майда болот. Орусиядан ырчы Сергей Лазерев Scream ыры менен катышууда. Ал экинчи жарым финалда 13-номур менен чыгат.
Израиль телеканалдары Тель-Авивде "Евровидение" ыр сынагы учурунда коопсуздук чараларын күчөтүлгөнүн билдиришүүдө. Шаарды 20 миң полиция кызматкери кайтарат. Сынактын бардык иш-чараларына курал менен кирүүгө тыюу салынды.
