22 апреля 2019
Рулдагы 24 жаштагы кыз кандай жаракат алганы айтылган жок.
Бишкекте CR-V унаасы көпүрөдөн кулап түштү. Бул тууралуу КТРКнын мурдагы жетекчиси Илим Карыпбеков өзүнүн Instagram баракчасына жазды.
Анын айтымында, кырсык бүгүн, 22-апрель күнү болгон.
"Азыр эле Лев Толстой көчөсү менен Манас проспектиси кесилишкен жердеги көпүрөдөн Honda C-RV унааны кулап түштү. ӨКМдин кызматкери рулда кыз киши болгонун, ал тирүү экенин айтышты", — деп жазды Карыпбеков.
Бишкектин Жол кыймылы коопсуздугун камсыздоо башкармалыгынан кырсык болгонун тастыкташты. Окуя саат 03.30да болгон.
Маалыматка караганда, рулда 24 жаштагы кыз отурганы айтылды. Бирок ал кандай жаракат алганы белгисиз.
