Донбассдагы Малайзиянын Boeing-777 учагын атып түшүргөн ракета украинанын бөлүмүндө куралданган, деп Коргоо министрлиги билдирди. Мекеме бул версияны тастыктаган документти тапшырды.
Ракетаны 1986-жылы Долгопрудненск машина чыгаруу өндүрүштүк бирикмесинде жасалган, деп Куралдуу күчтөрдүн ракета-артиллериялык башкармалыгынын башчысы Николай Паршин ИИМдин “Орусия бүгүн” брифингде билдирди.
“Өндүрүүчү тарабынан берилген ракетанын уникалдуу заводдук сериялык номери – 8720”, - деп тактады.
Андан кийин ракетаны Украина ССРинде жайгашкан аскер бөлүгүнө жөнөтүлгөн. “Ракета аскер бөлүмүндө кабыл алынганы жана кабыл алуу актысы иштелип чыкканы анык белгилүү”,- деп кошумчалады генерал.
Паршин ракетанын номерин учактын кырсыкка учураган жеринде анын сыныктары боюнча аныкташканын белгиледи.
886847349 номери менен жеткирилген 20152-аскер бөлүгүнө өзүнчө токтолом, - анын чыныгы аты - 221-зениттик-ракеталык бригада, ал 1986-жылы Теребовля шаарындагы Карпат аскердик округунун курамына кирген”, - деди ал.
Бригаданын куралдуу күчтөрүнө “Бук” ЗРК турган. СССР кулагандан кийин ал украинанын армиясына киргизилген.
Паршиндин сөзү боюнча, бул полк “аталган Донецк жана Луганс облустарындагы террордукка каршы операцияга” катышкан. Азыр ал Львов облусундагы Стрый шаарында жайгашкан.
Мекеме ошондой эле ракетагы байланышкан документтерди көрсөттү.
Сөз заводдо толтурулган ар бир өндүрүлгөн өнүмгө жана Орусияда же чет өлкөлөрдө жайгашканына карабай, сакталган техникалык документтердин жыйындысы жөнүндө болуп жатат. Сизге көрсөтүлгөн документтердин арасында 9Д13105000 № 8-30-113 сопла блок үчүн документ бар”, - деп белгиледи Паршин.
Киевдин ырастоосу боюнча, “бир да зениттик-ракеталык комплекс, бир дагы ракета ДЭР менен ЛЭРдеги кошуундардун колуна түшкөн эмес, деп ведомство да эскертти.
Мындан тышкары, Крымда украинанын куралдуу күчтөрү калтырган “Бук” ракетасынын номерлери атып түшүрүлгөн МН17 ракетанын номерине дал келбейт, деп Паршин баса белгиледи.
Анын айтымында, коргоо министрлигинде муну тастыктаган документтер бар.
Жасалма видео
Учактын кыйроого кабылуусуна орусиялык “Бук” ЗРКнын катыштыгы бар деген далил иретинде эл аралык комиссия тарабынан колдонулган видео жалган болуп чыкты, деп Коргоо министрлигинин расмий өкүлү Игорь Конашенков баса белгиледи.
Анын сөзүндө, мындай жыйынтыкка видеороликти изилдеген орусиялык серепчилер келишкен.
Демек, тягачтын, трейлердин жана “Буктун” сүрөттөрү көчөнүн тийиштүү бөлүгүнүн сүрөтүнө жайгаштырылганын белгилей кетүү керек.
“Эпизоддо Луганск боюнча “Буктун” көчүрүлүшүн көрсөткөн, ошондой эле видеожазууну бурмалоонун бир нече белгилери аныкталган. Камеранын кыймылынын элеси жана фокус узундугун өзгөртүү статикалык кадрларды анимациялоо аркылуу жасалган, атап айтканда, дарактар менен бадалдардын жалбырактарынын кыймылынын жоктугу далилдеп турат”, - деп Коргоо министрлиги билдирди.
Донбасс асманындагы трагедия
Амстердамдан Куала-Лумпурга учкан малайзиялык Boeing-777 учагы 2014-жылдын 17-июлунда Украинанын чыгышындагы Донецктин жанында кырсыкка учурайт. Борттогу болгон 298 адамдын баары каза болот. Жапа чеккендердин көбү Нидерланды жарандары болгон.
Киев кырсыкка күнөлүү деп элдик кошуундарды айыптады. Алар учакты мындай бийиктиктен атып түшүрүүгө мүмкүнчүлүк жок деп жооп берген.
Эл аралык тергөө тобунун баяндамасында Боинг учагын кыйраткан “Бук” ЗРК Орусиядан алынып келинип, кийин кайра кайтарып алып кетишкен деп ырасташкан.
Москва тергөөнүнү жаңылыштыгы жөнүндө билдирди, анын жыйынтыгы Украинадан алынган маалыматтарга гана негизделген. Аба чабуулуна каршы коргонуу системасын, анын ичинде “Бук” комплекстерин өндүрүү боюнча алдыңкы ишкана “Алмаз-Антей” концернинин эксперименттери Boeing учагы украинанын армиясы контролдогон аймакта атып түшүрүлгөнүн тастыктайт.
