Көп учурда кыздарга документке арнап түшкөн сүрөтү жакпай калат. Сүрөт жакшы чыгышы үчүн бир нече кеңеш сунуштайбыз.
- Тери
Биринчи эреже: эч кандай жалтыр текстура болбошу керек. Алар бетиңизге керек эмес көлөм берет жана көзүңүздү кичирейтет. Бетиңиз жалтырап калбашы үчүн тоналдык кремдин сыртынан упа сүйкөңүз.
- Каш менен кирпик
Канчалык коюу болсо, ошончолук жакшы: сүрөттө каш менен кирпик “желет”, ошондуктан уялбай, кашыңызды жалпак, кою түстүү кылып боёй берсеңиз болот. Көзүңүздү кара карандаш менен чийип, тушту да аябай коё бериңиз.
- Эрин
Сизди күңүрт (матовый) эрин боёгу куткарат. Каныккан, бирок табигый эриниңизге жакын түсүн тандаңыз. Сүрөткө түшөрдө нюд өңүн сүйкөбөңүз.
- Эңкейүү
Ээгиңизди бир аз түшүрүңүз. Ооба, адатта сүрөткө тарткан адам аны көтөрүүнү суранат. Бирок, ээкти бир аз төмөн түшүргөн учурда беттин төмөнкү жагы бир аз кичирейип, бетиңиз арык болуп көрүнөт.
- Бурулуш
Өзүңүздүн рационалдуу жагыңыз менен кичине гана бурулуңуз. Башкача айтканда, аны бир аз гана алдыга чыгарыңыз.
- Күлүмсүрөө
Адатта, сүрөткө күлүп түшкөндүктөн, көз кысылат, бет жогору көтөрүлөт жана эриниңиз ачылат. Документке андай сүрөт жарабайт, бирок жөн гана жылмаюу сүрөтүңүзгө мода берет. Болушунча табигый жылмаюуга аракет кылыңыз.
