Баш байге менен таажы үчүн 48 өлкөдөн келген сулуулар ат салышты.
Кыргызстандык модель Керемет Космосбек кызы эл аралык Miss Tourism International — 2018 сынагына катышты. Бул тууралуу бьюти-сынактын Facebook социалдык тармагындагы баракчасына жарыяланды.
Сынак 7-23-декабрь аралыгында Малайзиянын борбору Куала-Лумпурда өткөн. Баш байге менен таажы үчүн 48 өлкөдөн келген сулуулар ат салышты.
23-декабрда болгон сынактын финалында индонезиялык Астари Индах Вернидани жеңишке жетти.
Алдыңкы беш орунга Малайзия, Венесуэла, Австралия жана Чехиянын сулуулары илинди.
Керемет Космосбек кызы "Кыргызстан сулуусу — 2018" сынагына катышкан. Ал эл аралык деңгээлдеги конкурска биринчи жолу чыкты.
Былтыр ушул эле сынакка Кыргызстандын атынан Айгерим Абдраимова катышкан.
Дагы: sputnik.kg, фото-© Sputnik / Максим Богодвид
