"Бишкек жүргүнчүлөр автотранспорт" ишканасынын директору Нурлан Койчубаков конкурска Россия, Кытай жана жергиликтүү компаниялар катышкандыгын маалымдады.
Тендердин эрежеси боюнча бардык катышуучуларга бирдей шарттар түзүлгөн. Жыйынтыгында кытайлык компания жеңүүчү болуп табылды. Бул тууралуу Нурлан Койчубаков Sputnik Кыргызстан радиосунун эфиринде маек куруп жатып билдирди.
Анын айтымында, жеңүүчү компания Кытайда ири автобус чыгаруучу заводдордун сап башында турат.
"Тендер 20-ноябрда жарыяланган. Ага жалпысынан сегиз компания катышты. Конкурстук эреже боюнча бардык компанияларга бирдей шарт түзүлдү. Жыйынтыгында кытайлык компания жеңип чыкты. Ал ишкана Кытайда жүргүнчүлөрдү ташуу боюнча рыноктун 30 пайызын ээлейт. Бул заводдон чыккан коомдук транспорт 90 орундуу, электрондук бюллетендештирүүгө ыңгайлаштырылган", — деди Койчубаков.
Ошондой эле ал борборго алынып келе турган автобустар эки эшиктүү экендигин кошумчалады.
Дагы: sputnik.kg, фото-© Sputnik / Табылды Кадырбеков
