Кыргызстандык министр Россиянын Достук ордени менен сыйланды

Кыргызстандын коргоо министри Бактыбек Бекболотов Россиянын Достук ордени менен сыйланды. Бул жарлыкка РФ лидери Владимир Путин кол койгон.

Орденди кесиптеши, Россиянын коргоо министри Андрей Белоусов тапшырды.

Сыйлоо кечээ, 12-ноябрда, Москвада КМШ өлкөлөрүнүн коргоо министрлеринин кеңешинде болду.