![Кыргызстан 2,1 тоннадан ашык алтын сатты. Кайсы өлкөлөр алган?](https://sputnik.kg/img/103179/85/1031798523_0:480:4607:3071_1920x0_80_0_0_9f86cddaeb614eb8932ed2ee2365fc32.jpg.webp)
Улуттук статистика комитети биринчи кварталдагы алтын экспорту боюнча маалыматты жарыялаган.
Үстүбүздөгү жылдын биринчи кварталында Кыргызстандан жалпы баасы 139,7 миллион долларга 2 тонна 110,5 килограмм алтын экспорттогон. Бул тууралуу Улуттук статистика комитетинин маалыматында айтылат.
Сатып алган өлкөлөр:
Гонконг (Кытай Эл Республикасынын өзгөчө административдик аймагы) - 1 тонна 126,5 килограмм;
Швейцария - дээрлик 971,5 кг;
БАЭ - 12,5 килограммдан ашык.
Талдоо көргөзгөндөй, мартта болжол менен 467 килограмм алтын Гонконгго жана БАЭге сатылган. Бул маалыматтар болжолдуу болуп саналат.
Эскерте кетсек, 2023-жылдын алгачкы эки айында алтын экспорттолбой, март айында гана сатыла баштаган. Бирок былтыр 20,2 тоннадан ашык баалуу металл чет өлкөлөргө сатылган.