4 февраля 2022
Түндүк Кореянын лидери Ким Чен Ындын жубайы узак убакыттан бери эл алдына чыга элек болчу. Ли Соль Чжу жолдошу менен биргеликте Пхеньяндагы майрамдык концертке барды.
Акыркы ирет Ким Чен Ындын жубайын 9-сентябрь күнү өлкөнүн негизделишине карата өткөн иш-чарада көрүшкөн.
The Daily Mail агенттигинин жазганына караганда, Ли Соль Чжу жолдошу менен Ай календары боюнча жылдын жаңырышына арналган концертке баш баккан. Аны көргөн эл кол чаап тосуп алган.
Иш-чаранын аягында өлкө лидери менен биринчи айым чыгармачыл топ менен эстеликке сүрөткө түшүп, андан соң кол чабуунун коштоосунда чыгып кетишкен.
