Россия БУУнун Бүткүл дүйнөлүк азык-түлүк программасынын алкагында Тажикстандагы мектептерди тамактандыруу программасын колдоо үчүн кошумча каражат бөлүүдө.
Бул тууралуу Орусиянын Тажикстандагы элчиси Игорь Лякин-Фролов менен Дүйнөлүк азык-түлүк программасынын республикадагы директору Адхам Мусаллам Дүйшөмбүдөгү маалымат жыйынында билдиришти.
Жардамдын көлөмү 2 миллион долларды түзөрү пландалууда. Бардык каражаттар өлкөдөгү 2 миңге жакын мектепти ысык тамак менен камсыздоо үчүн азык-түлүк сатып алууга жумшалат.
«Достук Тажикстандын жаш муундарына камкордук көрүү биздин артыкчылыктуу багыттардын бири. Орусия 30 жылдан бери биздин өлкөлөрдү байланыштырып келе жаткан союздаштык жана стратегиялык өнөктөштүк маанайындагы Мектепти тамактандыруу программасына 82 миллион доллардан ашык каражат бөлгөн», — деди Лякин-Фролов.
Адхам Мусаллам ошондой эле бул салым "тажик мектеп окуучулары үчүн абдан өз убагында берилген" деп кошумчалады.
«Программа балдарды туура тамактануу менен камсыз кылууга жардам берет, бул алардын дени сак өсүшүнө жана өнүгүшүнө өбөлгө түзөт», - деди ал.
Бул колдоодон тышкары Тажикстандын Билим берүү жана илим министрлигине дагы башка техникалык жардамдар көрсөтүлөт.
Белгиленгендей, мектепти тамактандыруу программасы Тажикстандагы Бүткүл дүйнөлүк азык-түлүк программасынын эң ири долбоору болуп саналат, ал 2013-жылдан бери Орусия тарабынан каржыланып келет.
Программанын алкагында республиканын 52 район-шаарындагы 2000 мектептин 1-4-класстарынын окуучулары үзгүлтүксүз ысык тамак менен камсыз болушат.
Республиканын окуу жайлары еткен жылы гана дээрлик 7 миц тонна азык-тулук алышкан. Бул 440 мицге жакын мектеп окуучуларын тамак-аш менен камсыз кылууга мумкундук берди.
Мектепти тамактандыруу программасы болгон инфраструктураны модернизациялоого өбөлгө түзөт. Буга чейин 50 мектеп ашканасы оңдолуп, жаңыланган. Алардын базасында 9 күнөскана, 5 мектеп аралык наабайкана жана коомдук тамактануу комбинаты иштейт. Дагы 7 жеке менчик наабайкана да мектептерди тейлей баштады.
Эске салсак, 2013-жылдан бери Орусия Тажикстандын окуучуларынын тамак-ашына 82 миллион доллардан ашык каражат бөлгөн. Анын 54 миллион доллары тамак-ашка, 28 миллиондон ашыгы инфраструктураны жаңылоого кеткен.
