Кыргызгидромет аптанын дем алыш күндөрүнө карата аба ырайынын божомолу тууралуу маалымат берди.
Билдирмеге караганда, апта аягында айрым аймактарга кар жааса, кээ бир жерлерде жаан-чачын болбойт. Бишкекте жекшемби күнү кар жаайт.
Чүй облусу
Аталган аймакта 29-январь түнү кээ бир аймактарда кар жаайт. Эртеси, 30-январда, күндүз дээрлик бардык аймагына кар жаашы күтүлүүдө. Абанын температурасы -3…+2 градусту көрсөтөт.
Талас облусу
Талас облусунда да 29-январь түнү кар жаашы ыктымал. Ал эми жекшембиде жаан-чачын күтүлбөйт. Абанын температурасы 0...-2 градус суук болот.
Ош, Баткен, Жалал-Абад облустары
Түштүк жергесинде 29-январда тоолуу аймактарга кар түшөрү божомолдонууда. Өрөөндөргө жаабайт. Ал эми жекшемби, 30-январда, жаан-чачын күтүлбөйт. Бирок жолдор тайгак, тоңголок болуп, абанын температурасы 2...4 градусту көрсөтөт.
Нарын, Ысык-Көл облустары
Апта аягында Ысык-Көлдө кар жаай турганы айтылды. Абанын температурасы 1 градуска чейин муздашы ыктымал. Ишембиде Нарындын дээрлик бардык аймагына кар жаай турганы айтылууда. Ал эми 30-январда жаан-чачын күтүлбөйт. Абанын температурасы -3…-5 градус суук болмокчу.
