20 января 2022
Кыргызстанда 20-январга карата СOVID-19 инфекциясын 870 адам жуктурду. Бул тууралуу Саламаттык сактоо министрлиги кабарлады.
Ооругандар:
- Бишкек — 600;
- Ош шаары — 10;
- Чүй — 161;
- Ош — 16;
- Талас — 18;
- Нарын — 2;
- Ысык-Көл — 13;
- Жалал-Абад — 23;
- Баткен — 27.
Пандемиядан бери коронавирус 193 028 адамдан тастыкталды.
Тилекке каршы, коронавирус өткөн суткада төрт адамдын өмүрүн алды. Алардын бардыгы Бишкекте катталды жана ооруга каршы вакцина алган эмес. Жалпысынан оорудан 2 842 киши каза тапты.
Акыркы суткада илдеттен 266 адам сакайып, үйлөрүнө чыгарылган. Жалпы айыккандардын саны 181 692ни түздү.
Учурда республикадагы ооруканаларда 1 040 бейтап дарыланууда. Алардын ичинен алтоонун абалы канааттандырарлык, 655и орточо, 330у оор жана 49у өтө оор абалда жатат. Ал эми амбулатордук түрдө 5 961 бейтап жардам алууда.
