Кыргызгидромет аптанын дем алыш күндөрүнө карата аба ырайынын божомолун жарыялады.
Ага ылайык, ишемби, жекшемби күндөрү өлкөнүн көпчүлүк аймактарында жаан-чачын күтүлбөйт. Абанын температурасы 11 градуска чейин жылышы ыктымал. Бишкекте дагы күн жылуу болору айтылды.
Чүй, Талас облустары
11-декабрь күндүз жана 12-декабрь түнкүсүн эки аймакта тең жаан-чачын күтүлбөйт. 12-декабрь күндүз тоолуу райондордо кар жаашы ыктымал. Дыйканчылык аймактарда жаан жаабай турганы божомолдонду. Шамалдын багыты өзгөрүлүп турат, ылдамдыгы секундасына 2-7 метрге жетиши мүмкүн. Абанын температурасы ишембиде 11 градус, жекшембиде 5 градус жылуу болот.
Ош, Жалал-Абад, Баткен облустары
Өлкөнүн түштүк аймактарында дем алышта жаан, кар жаабай турганы айтылды. Абанын температурасы 13 градуска чейин жылышы ыктымал.
Нарын, Ысык-Көл облустары
Нарын менен Көлдө дагы апта аягында жаан, кар жаабай турганы божомолдонду. Анткен менен абанын температурасы Нарында -4…-6 градуска чейин суук болору күтүлүп жатат. Ал эми Ысык-Көлдө -2...+3 градуска жетет.
