Апта аягында дээрлик бардык аймакта жаан-чачын күтүлбөйт. Шамалдын багыты өзгөрүп турат. Бишкекте күн жылуу болору божомолдонду.
Кыргызгидромет ушул аптанын дем алыш күндөрүнө карата аба ырайынын божомолун жарыялады.
Ага ылайык, апта аягында дээрлик бардык аймакта жаан-чачын күтүлбөйт. Шамалдын багыты өзгөрүп турат. Бишкекте күн жылуу болору божомолдонду.
Чүй, Талас облустары
Жума этегинде, 13-14-ноябрда, аба ырайы жылуу болуп, жаан, кар жаабай турганы айтылды. Абанын температурасы Чүйдө 8...13, Таласта 12...14 градус жылуу болот деп божомолдонду.
Ош, Жалал-Абад, Баткен облустары
Өлкөнүн түштүк аймактарында да күн ачык болору айтылды. Абанын температурасы күндүз 14 градуска чейин жылыса, түнкүсүн -2...3 градус болушу ыктымал.
Нарын, Ысык-Көл облустары
Нарын менен Ысык-Көлдө дагы жаан-чачын күтүлбөйт. Бирок Нарын облусунда Ысык-Көлгө караганда күн суугураак болору божомолдонду. Көлдө күндүз 12 градуска чейин жылыса, Нарында 5...7 градус болушу ыктымал.
