Өрттү өчүрүүгө Бишкек шаардык куткаруу кызматынан беш куткаруучу, жалпы үч бөлүм тартылып, саат 13:26лар чамасында чектөөгө алынган.
Борбор калаанын "Пишпек" базары тарабында жайгашкан кийим тигүүчү цехтен чыккан өрттөн төрт жаштагы кыз каза болду. Бул тууралуу ӨКМДин маалымат кызматы кабарлады.
© ФОТО / ПРЕСС-СЛУЖБА МЧС
Борбор калаанын "Пишпек" базары тарабында жайгашкан кийим тигүүчү цехтен чыккан өрттөн төрт жаштагы кыз каза болду
Эске салсак, Аммосов көчөсүндө жайгашкан тигүү цехи күйгөн. Аны өчүрүүгө ӨКМден штаб жана Бишкек шаардык куткаруу кызматынан беш куткаруучу, жалпы үч бөлүм тартылып, өрт саат 13:26лар чамасында чектөөгө алынган.
"Өрттүн кесепетинен төрт жашар кыз каза болгон (аты-жөнү такталууда). Анын аянты болжол менен 125 чарчы метрди түзөт. Учурда өрттү толугу менен өчүрүү иштери жүрүп жатат", — деп айтылат билдирмеде.
ӨКМ кошумча маалымат кийинчерээк берилерин кошумчалады.
