Президентке жаңыдан кеңешчи болуп дайындалган Чолпонбек Абыкеевдин эмгек жолу тууралуу маалыматтарды окуңуз.
Чолпонбек Абыкеев 1956-жылдын 16-августунда Нарын облусунун Кочкор районундагы Көк-Дөбө айылында туулган. Кыргыз мамлекеттик улуттук университетин аяктаган.
1990-жылы кыргыз тилдүү "Аалам" гезитин негиздеп, аны түптөгөн. Басылмада 2005-жылга чейин башкы редактор болуп эмгектенген.
"Аалам" гезитинен кеткенден кийин өлкө президентинин коомчулук менен байланыш бөлүмүндө башчы болуп иштеген.
2008-ж. апрель — Маданият жана маалымат министрлигинин алдындагы Мамлекеттик архив агенттигинин директору;
2009-ж. декабрь — Кыргыз өкмөтүнүн алдындагы мамлекеттик каттоо кызматына караштуу Архив агенттигинин директору;
2020-ж. 25-ноябрь — Конституциянын учурдагы редакциясын иштеп чыккан Конституциялык жыйындын мүчөсү;
2021-жылдын май айында министрлер кабинетинин төрагасы Улукбек Мариповдун кеңешчиси кызматына бекитилген;
Президент Садыр Жапаровдун 2-июлдагы жарлыгы менен Кыргыз Республикасынын мамлекеттик катчысы болуп дайындалган.
