11 октября 2021
Окуу жылы кеч башталганына байланыштуу каникул да бир жума жылдырылган. Ошондо күзгү каникул 8-ноябрда башталып калат.
Мектептерде I чейрек 5-ноябрда аяктайт. Бул тууралуу Улукбек Марипов кол койгон чечимде жазылган.
Буга чейин Билим берүү жана илим министринин орун басары Надира Жусупбекова окуучулар 8-ноябрдан 14-ноябрга чейин күзгү каникулга тарай турганын айткан. Белгилей кетсек, 6-7-ноябрь ишемби, жекшембиге туура келет. 15-ноябрда II чейрек башталат.
Эске салсак, быйыл Кыргызстанда окуу жылы 15-сентябрда башталды. Буга байланыштуу окуу адаттагыдай 25-майда эмес, 8-июнда аяктайт.
